Сервистік жобалар

ҚМГ өндірістің ағымдағы деңгейін сақтап тұру, жаңа жобаларды дамыту және бәсекеге қабілеттілікті арттыру арқылы сервистік бағыттарды үйлестіреді, сондай‑ақ қызметін жүзеге асыратын өңірлерде әлеуметтік тұрақтылықты сақтаудағы өзінің жетекші рөлін ескереді. Мұнай сервисі әлеуметтік сезімтал бағыт екенін атап өткен жөн. Мұнай сервистік қызметтің жекелеген бағыттары тиімсіз, сондықтан олар ағымдағы өндірістік қажеттілікке қарамастан қызметкерлер санын сақтай отырып және ұжымдық шарттағы барлық міндеттемелерді: төлемдер, медициналық сақтандыру және біліктілікті арттыру шығындарын орындай отырып, қосымша шығындарға ұшырайды.

Сервистік инфрақұрылым

ҚМГ сервистік қызметін 10 негізгі компания қамтамасыз етеді.

Сервистік қызмет бағыттары:

мұнай мен газ ұңғымаларын бұрғылау және игеру;
ұңғымаларды жерасты және күрделі жөндеу;
жүк және жолаушылар тасымалы, кен орындарда көлік‑технологиялық қызмет көрсету;
электр қондырғылары мен катод қорғаныс құралдарына техникалық қызмет көрсету, жөндеу, баптау және сынау, электр жабдықтарын іске қосу‑жөндеу және ағымдағы жөндеу жұмыстары;
жерүсті және теңіз бұрғылау қондырғыларын пайдалану, мұнай және газ өндіруді жобалау, бұрғылау қызметтері;
өлшеу құралдарына, автоматика және телемеханика жүйелеріне техникалық қызмет көрсету, мұнай кәсіпшіліктерінде телекоммуникация, радиобайланыс, кабельдік, спутниктік теледидар қызметтерін ұсыну; өлшеу құралдарын тексеру және жөндеу; күзет сигнализациясына техникалық қызмет көрсету;
көліктің GPS мониторингі бойынша қызмет көрсету;
мұнай тасымалдау үшін болат және шыны‑пластикалық құбыр салу, газ құбырларын салу және мұнай және тоғытылған ұңғымаларды жайластыру;
мұнай құбырларын, су құбырларын мен автожолдарды реконструкциялау;
ауыз су өндіру және тасымалдау, теңіз суын тасымалдауды қамтамасыз ету;
тамақтандыруды ұйымдастыру, әлеуметтік объектілерге қызмет көрсету және басқалар.

Өндірістің ағымдағы деңгейін ұстап тұру үшін ҚМГ тиімді өндірістік процесті қамтамасыз етуге, қызметкерлердің еңбек жағдайын жақсартуға, негізгі құралдарды жаңартуға қатысты іс‑шараларды жыл сайын өткізеді.

Даму жобалары

«Сәтті» өздігінен көтерілетін қалқымалы бұрғылау қондырғысы ‑ әлемдік стандарттарға сай толығымен Қазақстанда салынған алғашқы бұрғылау қондырғысы. Бұдан бұрын 2019 жылы 25 қаңтарда ҚМГ мен SOCAR компаниялар арасындағы өзара түсіністік туралы меморандумға, сондай‑ақ операторы BP компаниясы Каспий теңізінің Әзербайжан секторындағы Апшерон құрылымында бұрғылау жөніндегі Сәтті қондырғысын бірлесіп пайдалануды көздейтін ортақ қызмет туралы келісімге қол қойды. Сәтті қондырғысының модификациясы оның жүк көтергіштігін 453 тоннадан 680 тоннаға дейін арттыруға мүмкіндік берді.

Жобаны іске асыру ҚМГ бәсекеге қабілеттілігін арттырады, теңіз бұрғылау саласындағы көшбасшы компаниялардың қатарына кіруге жол ашады және әлемдік критерийлерге сәйкес өндірістік персоналдың кәсіби дайындық деңгейін арттырады.

Алдағы уақытта ҚМГ мұнай‑сервистік бағытты қолдау және дамыту үшін мұнай өндіруді ұлғайтуға ықпал ететін мұнай‑сервистік қызметтердің сапасын арттыру мақсатында мынадай стратегиялық бастамаларды көтерді:

мұнай сервистік қызметтердің тиімді мақсатты портфелін қалыптастыру;
мұнай‑сервис компанияларын шығынсыз деңгейіне шығару.

Осы мақсаттарға қол жеткізу үшін әртүрлі іс‑шараларды жүргізу, соның ішінде бизнес‑процестерді автоматтандыру, бөлек есепке алуды енгізу, персонал құзыреттілігінің жоғары деңгейін қамтамасыз ету жөніндегі бастамалар, өндірістік қатынастардың тиімді жүйесін құру, өндірістік процестердің тиімділігін арттыру, API Q1 және Q2 сертификаттау қажет.

Өндірістік қатынастарды (Industrial relations — IR) дамыту жөніндегі іс‑шаралар жоспарын орындау аясында «Самұрық‑Қазына» АҚ компаниялар тобында барлық мұнай сервистік еншілес мекемелерде 2022 жылдың басынан бері IR топтары/бөлімдері ашылды және тиісінше өз компаниялары мен мердігерлік ұйымдарында өндірістік қатынастарды дамытуға жауапты қызметкерлер тағайындалды. Өндірістік қатынастарды дамытудың мақсаты – қолайсыз әлеуметтік‑тұрмыстық жағдайларға және жұмыс орнындағы зорлық‑зомбылықтың барлық түрлеріне нөлдік төзімділікпен қолайлы еңбек жағдайларын жасау, ішкі коммуникацияларды және мердігер ұйымдармен тиімді өзара іс‑қимылды дамыту. Есепті жыл бойы бекітілген кестелерге сәйкес мердігерлік ұйымдарда жұмыс орындарына, тұрып жатқан және тамақтану орындарына аудит, IR‑скринингтер жүргізілді. Сәйкессіздіктерді жою бойынша іс‑шаралар жоспарлары жасақталды және орындалды. IR мамандары бірінші басшылармен бірлесіп, мердігер ұйымдардың қызметкерлерімен әлеуметтік жағдайды тұрақтандыру және мердігер ұйымдардың қызметкерлерінің наразылық көңіл күйін төмендету мақсатында олардың мәселелерін шешу үшін кездесулер өткізді.

Американдық мұнай институтының сапа менеджменті жүйесінің API Specification Q2 талаптарына сәйкес мұнай сервисі активтерін сертификаттау мұнай сервисі активтері қызметтерінің сапасын API мұнай‑газ саласындағы халықаралық стандарттардың озық және жетекші практикасына сәйкестік деңгейіне дейін арттыру мақсатында басталды. API SPEC Q2 стандартының талаптарын енгізу және бейімдеу бойынша жұмыс жүргізілді және сертификаттауға өтініш берілді.

Сертификаттауға дайындалып жатқан мұнай сервистік еншілес мекемелер:

«Oil Services Company» ЖШС.
«Oil Construction Company» ЖШС.
«Маңғыстауэнергомұнай» ЖШС.
«ӨзенМұнайСервис» ЖШС.

Іске асыру мерзімі:

2022–2026 жылдар.

Жаңа жобалар

Теңіз суын тұщыту зауытын салу

Теңіз суын тұщыту зауытын салу жобасы жалпыұлттық іс‑шаралар жоспарына және Маңғыстау облысын 2021‑2025 жылдарға арналған әлеуметтік‑экономикалық дамытудың кешенді жоспарына сәйкес іске асырылуда. Жобаның мақсаты – Жаңаөзен қаласының халқы мен кәсіпорындарын ауыз сумен қамтамасыз ету, сондай‑ақ «Астрахань‑Маңғыстау» магистральды су құбырына технологиялық жүктемені азайту. Зауыттың жоспарланған жобалық қуаты – тәулігіне 50 мың текше метр. Теңіз суын тұщыту зауытының құрылысы Қазақстанның батыс өңірлерін сумен қамтамасыз ету жөніндегі ортақ жобаның ажырамас бөлігі. Бұл жобаны іске асыру туралы шешім 2025 жылға қарай су тапшылығын жабу үшін магистральды су құбырын реконструкциялау және кеңейту тұжырымдамасы қарастырылғаннан кейін қабылданды.

Халық санының болжамды өсуіне және қолданылатын нормативтерге сай 2030 жылы Жаңаөзен қаласы халқының су тұтыну нормасы тәулігіне шамамен 49,8 мың текше метрге тең болады.

Қазіргі жағдайы:

2023 жылы 7 маусымда ҚМГ тобының мұнай сервистік компанияларымен зауыт инфрақұрылымын (Жаңаөзен қаласына дейінгі су құбыры, газ құбыры, электр қуатын беру желісі, талшықты‑оптикалық байланыс желісі, автомобиль жолы және басқалар) салуға ЕРС келісімшарты жасалды, оның сомасы – ҚҚС‑пен бірге 60,2 млрд теңге. 2023 жылы 23 тамызда Metito LLC бастаған консорциуммен («Ақжол құрылыс» ЖШС, «Caspian HES Consulting» ЖШС, «СМК‑Атамекен» ЖШС бірге) ҚҚС‑пен 57,8 млрд теңге сомасына су тұщыту зауытын салуға ЕРС келісімшарты қабылданды. Құрылыс‑монтаждау жұмыстары басталды, белгіленген мерзімде – 2024 жылдың желтоқсан айының соңына дейін аяқтау жоспарда бар.

2025 жылдың қаңтар‑мамыр айлары аралығында су тұщыту зауыты жобалық қуатқа шығарылмақ.